सप्तरीको डाक्नेश्वरीमा पाँच घरमा आगलागी, २० लाख बढीको क्षति

शुभ नारायण यादव-
सप्तरी , जेठ ९ गते ।

सप्तरीको डाक्नेश्वरी नगरपालिका वडा न. १० रन्जितपुरमा आज दिउँसो आगलागि हुदा पाँच वटा घर जलेर नष्ट हुदा लाखौंको क्षति भएको छ ।

स्थानीय भरत चौधरीको परालको टालबाट सुरु भएको आगोले एउटा घर,छिमेकी बन्हु चौधरी , उमा कान्त चौधरी, शोभाकान्त चौधरी र लक्ष्मि कान्त चौधरीको एक-एक वटा घर आगलागी भएर जलेको हाे ।

उक्त आगलागीमा घर निर्माण गर्न रकम जम्मा पारेका बन्हु चौधरीको घरमा राखिएको करिब नगद रु ६ लाख समेत जलेर खरानी भएको पिडितले बताएका छन् ।

यस्तै १२५ सिसिको डिसकोभर मोटरसाइकल समेत जलेको र आफनो घरको सम्पुर्ण समाग्री जलेर खरानी भएको शोभा कान्त चौधरीको भनाई छ ।

अग्निपिडित उमा कान्त चौधरीका अनुसार आगलागीमा करिब घरभित्र रहेका ३/४ लाखको सुनचान्दी समेत जलेकाे पिडितका परिवारहरुले बताएका छन् ।

सो आगलागीमा खाद्यन्न लताकपडा ,भडार्वतन नगदजिन्सी र घर भित्र रहेको काठ , जस्तापता , फनिचरका समान तथा गोदरेज जलेर खरानी हुदा करिब रु २० लाख मूल्य बराबरको क्षति भएको इलाका प्रहरी कार्यालय पातोले जनाएको छ ।

यता आगलागी स्थानीयबासी ,प्रहरी तथा राजविराज र हनुमाननगर कंकालिनि नगरपालिकाका बारुण यन्त्रकाे अथक प्रयासमा नियन्त्रणमा लिएको जिल्ला प्रहरी कार्यालय सप्तरीले जनाएको छ ।