महोत्तरीमा ट्याक्टरमा करेन्ट लाग्दा चालकको ज्यान गयो

टुडेपाटी-
जनकपुरधाम, फागुन ८ गते ।

महोत्तरीमा ट्याक्टरमा करेन्ट लाग्दा चालकको ज्यान गएको छ ।

मृत्यु हुनेमा ट्याक्टरका चालक औहरी नगरपालिका — ६ बस्ने २३ वर्षीय मुकेश यादव रहेको महोत्तरीका प्रहरी नायव उपरीक्षक प्रकाश बिष्टले जानकारी दिए ।

उनका अनुसार औरही नगरपालिका — ६ स्थित ज १ त ६३१७ नम्बरको ट्याक्टरले माटो अनलोड गर्ने क्रममा टेलरले विद्युतको तार छुँदा करेन्ट लागेको हो ।

करेन्ट लागेर सिकिस्त भएका यादवलाई उपचारका लागि गौशालातर्फ लग्ने क्रममा बाटोमै मृत्यु भएको छ ।

मृतकको शवलाई पोस्टमार्टमका लागि जिल्ला अस्पताल जलेश्वर पठाइएको र घटना विषयमा थप अनुसन्धन भइरहेको जिल्ला प्रहरी कार्यालय महोत्तरीले जनाएको छ ।