बाराबाट पटाकासहित २ जना पक्राउ

टुडेपाटी-
बारा, कार्तिक २४ गते ।

बाराबाट पटाका र छुछुरीसहित दुई जनालाई पक्राउ पक्राउ परेका छन् । पक्राउ पर्नेमा फेटा गाँउपालिका–१ बस्ने २८ वर्षीय लालबाबु दास र २७ वर्षीय कन्हैया दास रहेको प्रहरीले जनाएको छ । ।

वीरगञ्जबाट चितवनतर्फ जाँदै गरेको ना. ७ ख ६०४१ नम्बरको बसको डिक्कीमा खुर्सानीको बोराभित्र लुकाएर लैजाँदै गरेको अवस्थामा जितपुर सिमरा उपमहानगरपालिका–५ स्थित लालका पुल नजिकै चेकजाँचको क्रममा प्रहरीले दुबैजनलाई पक्राउ गरेको हो ।

इलाका प्रहरी कार्यालय जितपुरबाट खटिएको प्रहरी टोलीले दुबैजनालई पक्राउ गरेको बाराका प्रहरी प्रवक्ता गौतम मिश्रले जानकारी दिए । उनका अनुसार बोराबाट नागिन पटका ४० बण्डल, विष्फोटक पदार्थ बनाउन प्रयोग गरिने गन्दक जस्तो देखिने पहेलो पदार्थ १ किलो ५ सय ग्राम र सुहागा जस्तो देखिने सेतो पदार्थ ६ किलो ९ सय ग्राम फेला परेको छ ।

उनीहरु विरुद्ध विष्फोटक पदार्थ अन्तर्गत कसुरमा बारा जिल्ला अदालतबाट ५ दिनको म्याद अनुमति लिई थप अनुसन्धान भइरहेको जनाएको छ ।