बाराबाट गाँजा र अफिमसहित एकजना पक्राउ

टुडेपाटी-
बारा, कार्तिक १४ गते ।

बाराबाट लागुऔषध गाँजा र अफिमसहित एकजना पक्राउ परेका छन् । बाराको पचरौता नगरपालिका–३ रामनगरका २० वर्षीय बिनोद यादवलाई प्रहरीले पक्राउ गरेको हो ।

साइकल चढेर भारत तर्फ जाँदै गरेको अवस्थमा यादवलाई प्रहरी चौकी बेल्दारीबाट खटीएको गस्ती टोलीले बाराको पचरौता नगरपालिका–४ बेल्दारीबाट पक्राउ गरेको छ ।

Sponsored

खानतलासी गर्दा प्लास्टिकमा बेरी शरीरमा लुकाएर राखेको अवस्थामा उनको साथबाट २ किलो अफिम र २ किलो गाँजा बरामद गरेको जिल्ला प्रहरी कार्यालय बाराले जनाएको छ । प्रहरीका अनुसार यादवमाथि थप अनुसन्धान भइरहेको छ ।