बर्दिवासमा भारतीय गाडीको ठक्करबाट अटो चालकको मृत्यु

टुडेपाटी-
जनकपुरधाम, भदौ १३ गते ।

महोत्तरीमा भारतीय लहरीको ठक्करबाट अटो रिक्सा चालकको मृत्यु भएको छ । दुर्घटनामा बर्दीबास नगरपालिका–१ बस्ने शम्भु श्रेष्ठको मृत्यु भएको हो ।

शनिबार बिहान महोत्तरीको बर्दीबास नगरपालिका–१ बर्दीबास चौकमा रोकेर राखिएको ना. ३ स. २३६१ नम्बरको अटोलाई आर जे०२ जिबी ३३४७ नम्बरको भारतीय लहरीले ठक्कर दिँदा अटो चालक श्रेष्ठको मृत्यु भएको इलाका प्रहरी कार्यालय बर्दिवासले जनाएको छ ।

Sponsored

गम्भीर घाइते श्रेष्ठलाई उपचारका लागि बर्दीबास जनसेवा हस्पिटल लगिएकोमा त्यहीँ मृत्यु भएको इलाका प्रहरी कार्यालय बर्दिबासका पहरी प्रवक्ता सोनु कुमार साहले जानकारी दिए । भारतीय लहरी चालक अरबिन कुमार बलाइतलाई गाडी सहित प्रहरीले नियन्त्रणमा लिएको छ ।